Atardecer en Covas

O Capitán Kalandraka e o Ninja

Hoxe, e grazas a Mangas Verdes, descubrimos unha desas "chorradas" que tanto nos gustan e coas que sempre nos agasalla o Capitán Kalandraka e por unha vez, e sen que serva de precedente, queremos ser nós os que o sorprendamos a el.

Aínda que non sei eu se o conseguiríamos!!!

Teríanse coñecido xa o Capitán e o Ninja?

| View | Upload your own

Flores, Cartas... e Moito Amor

Por terceiro ano consecutivo, e con motivo do Día dos Namorados, convocouse un Concurso de Cartas de Amor, concurso que, como ven sendo habitual, congregou un elevado número de participantes.

Máis non foi o concurso o principal protagonista do día, este papel desempeñouno un marabilloso ramo de flores que, como acostuma acontecer nestas datas, chegou ben cedo ao noso instituto e cuxa destinataria, Verónica, recibiu de mans de Roberto, un dos nosos conserxes sempre disposto para estes menesteres.

QUE BONITO É O AMOR!!

Roberto, Verónica, Samantha, Daniel e Altair

Os Nosos Venres Musicais (XIV)

Esta semana, e visto o éxito acadado polos nosos venres musicais "dedicados", imos dedicarlle este post a Ángela, membro dun dos nosos clubs de lectura, que lle gusta tanto a lectura como a música e que nos pediu, nun comentario feito o venres pasado un dos temas de Mika.


Mika é un artista a quen comparan cunha mestura entre Freddie Mercury e Beck, que foi fichado no 2007 por un reactivado sello de música disco dos 70 "Casablanca Records". Recibe influencias do mundo do cómic, dos debuxos animados e de diferentes artistas da música pop.

RELAX, TAKE IT EASY

San Valentín

"Si no te conozco, no he vivido; si muero
sin conocerte, no muero, porque no he vivido."

Nat King Cole & Natalie Cole

"When I fall in Love"

When I fall in love,
It will be forever
Or I'll never fall in love.
In a restless world like this is,
Love is ended before it's begun
And too many moonlight kisses
Seem to cool in the warmth of the sun.

When I give my heart,
It will be completely
Or I'll never give my heart.
And the moment I can feel that
You feel that way, too,
Is when I fall in love with you.

And the moment I can feel that
You feel that way, too,
Is when I fall in love with you.

Making Flash is easy with Toufee!

Celebración do Antroido

A mañá do venres, o noso cole encheuse de xente que quería celebrar o Antroido connosco, algúns deles nunca estiveran antes por aquí...

A primeira en chegar foi Pipi Calzaslargas, pero non veu soa, chegou co Sr. Wilson, logo apareceron unha bruxa, unha "tunanta", algún obreiro da construción, labregos, unhas vacas moi marchosas, dous osos polares mortos de calor, un espantallo, un rockeiro, varios rapeiros e cantantes de Hip-Hop, unha noiva moi casquivana (paseou con catro mozos distintos o mesmo día da voda...), unha andaluza, varios nenos e nenas aos que nin tempo lles dou a quitar o pixama, uns clips de famobil, moitos mozos e mozas preparados para a festa, varias carapuchiñas vermellas coa avoa, os cazadores e mesmo o sr. lobo viña con todos eles, un moro, un xeque árabe, un rei e a mesma raíña Cleopatra e como non faltou ninguén tamén estivo celebrando o antroido connosco a Sra. Paca, a encargada da limpeza e para completar este cadro tan "pintoresco" tivemos ata un enterro. Como sería a festa que incluso a TVG mandou a Fene a un dos seus reporteiros.

A festa comezou coa degustación, por parte do xurado, dos postres que participaban no xa tradicional concurso de postres típicos. Houbo freixos, rosquillas, orellas, biscoitos... en cantidade suficiente para que despois do xurado, todos e todas puidésemos probalos. E trala degustación chegou a entrega de premios, houbo para todos, pois todos estaban boísimos!!

E como fin de festa tivemos un baile-karaoke. Pasámolo moi ben e quedamos convidados para a próxima. Que nos gustan as festas!!!

Celebración do Día da PAZ

Despois de dúas semanas organizando a celebración do Día Internacional da Paz, por fin chegou ese día.

Primeiro foron as reunións do grupo da biblioteca para aportar ideas, mellorar as propostas e unha vez decidido o que queríamos facer, poñérmonos mans á obra.

Organizáronse varias actividades, “Tráfico pola tolerancia”, os “Poemas Pola Paz”, as “Caixas positivas e negativas”, e no que todos estabamos de acordo era en que o principal protagonista de todas elas debería ser o alumnado. Prácticamente todos quixeron participar dende 1º da ESO ata 2º de Bacharelato, sen esquecer ao alumnado de adultos que se encargou da megafonía. Cada grupo preparou unha caixa que decoraron con desexos positivos cara á construción dun mundo mellor e outra cos aspectos negativos a rexeitar. Os grupos de primeiro da ESO prepararon ademais os sinais do circuíto pola tolerancia e as mans e as pombas coas que decoramos os paneis para os poemas; e a nosa pomba da Paz a fixo o alumnado de 2º de ESO. A lectura dos poemas correu a cargo de alumnado dos catro grupos da ESO e de 1º de Bacharelato e unha alumna e un alumno de 3º de ESO encargáronse da presentación do acto que rematamos cantando o Imagine de John Lennon. Foi este un acto simbólico de rexeitamento da violencia e a prol da PAZ e cun obxectivo “Que este non se quede no desexo dun día, senón que sexa o desexo que guíe todos os días da nosa vida”

Os blogues das Bibliotecas Escolares Galegas levamos traballando de xeito colaborativo durante esta última semana cun obxectivo común o esforzo colectivo a prol da PAZ, e no noso cole quixemos ter unha representación deses blogues e deste xeito de todos os blogues das biblios galegas.

Así estivo a palabra PAZ feita con pombas como a de Trafegando Ronseis, as pombas e as mans dos nosos rapaces e rapazas decorando os cortizos dos poemas do mesmo xeito que nos amosaron os compañeiros do “CPI Luis Díaz Moreno” e que tamén utilizaron no IES de Arzúa, a guía de poemas que dende Sanxenxo tan oportunamente chegou á rede, o marabilloso cartel do IES Río Cabe, e como remate cantamos Imagine de Lennon. En que centro non cantou alguén o día 30 o himno da PAZ?. Pois iso, que en “O Segrel do Penedo” estivéchedes presentes todos vós na nosa celebración.

XUNTOS POLA PAZ!!

Super Cool On-line Guide!!

Vía "A Nosa Biblioteca", como é habitual, coñecimos esta fantástica ferramenta da Web 2.0.

Unha ferramenta que nos permite publicar na rede todo tipo de documentos rápida e fácilmente e o resultado, como podedes ver é "moi chulo".

Como proba utilizamos a nosa primeira guía do ano, as nosas "Suxestións de lectura para a Paz". Comezamos cun documento moi pequeno, pero tras este virán máis... Picade en "open publication" e poderedes velo a pantaia completa.

Ferramentas da Web 2.0, para Bibliotecas 2.0!!!!